Драги деца и родители

Ве покануваме да ја посетите нашата куќа за деца Изворче-Монтесори. Со задоволство Ви го нудиме системот на едукација на д - р Марија Монтесори која веќе 105 години ја докажува својата универзалност за сите деца во светот.

Д – р Марија Монтесори дизајнирала голем број материјали за развој на децата. Тие се дел од така наречена подготвена средина. Подготвената средина во Изворче-Монтесори е направена според стандардите на д – р Марија Монтесори (установите што користат дел од материјалите немаат право да го носат името Монтесори).

Подготвената средина е совршено прилагодена за безбедно и творечко живеење на децата од 2 - 6 години, воспитувачките се со високо образование и имаат поминато Монтесори едукација и обучени се да работат со Монтесори материјали. Соработуваме со еминентни меѓународни семинари, институти и супервизори.

Просторот е на едно ниво што им овозможува на децата безбедно и слободно движење. Имаме јонизатори и навлажнувачи на воздухот што им овозможува на децата здрава микроклима и оневозможува ширење на инфективни заболувања. Просторот се дезинфецира со антибактериолошки средства и се чисти со Кирби машина.

Се наоѓаме во близина на Луна Паркот, кој е наш втор двор.